Akhera' Nomoro Mesa

#pepasan_mangbicara_duri

Iyato to matappa, akherana ra na pang nomoro mesa te'dana lino na mandara na pajolo-jolo nakalupai akherana.

Nakua kadanna Puang Allah Ta'ala illan Qoran jio sura' Al Isra ayat 18 -19

مَّن كَانَ يُرِيدُ الْعَاجِلَةَ عَجَّلْنَا لَهُ فِيهَا مَا نَشَاءُ لِمَن نُّرِيدُ ثُمَّ جَعَلْنَا لَهُ جَهَنَّمَ يَصْلَاهَا مَذْمُومًا مَّدْحُورًا [الإسراء : 18]

Battuananna:

Inda-inda tau to narampe i to katuo-tuoan lino na mandara, na ki pakadi i kana to na pueloran (jio lino) lako to ki eloran bang elohna, nanniyya dau jio allo undi ranaka ra inan kapoleanna na iya masussa na mapa'dik naduppa.

وَمَنْ أَرَادَ الْآخِرَةَ وَسَعَىٰ لَهَا سَعْيَهَا وَهُوَ مُؤْمِنٌ فَأُولَٰئِكَ كَانَ سَعْيُهُم مَّشْكُورًا [الإسراء : 19]

Battuananna:

Na Inda-inda tau to narampe i to katuo-tuoan allo undi na mattongan-tongan na iya to makassing tappana nanniyya dau tu punggaukan mattonganna makassing poleanna (jio allo undi).

Iyate katuo-tuoan linota wa'ding ta tiro tapi danggi dikkana ta kalupai parentaNa sibawa pangcaccaNa. Umbo nakua ke lino ta bangmora di patuju na dikalupaimo to sumbajangta' lima wattu? Tangdingaran bangmi mangpabengan-bengan? Buda bang mo to parentaNa disalai? Na iya te katuo-tuoan ta jio lino tang masain bangra na tapada tasalai ngasan dau te lino. Allo undira to kapoleanta sitonganna.

Mudah-mudahan nabengki petunjuk Puang Allah Ta'ala na tuli patujui panggaukan agamata sibawa napemeloi katuo-tuoan linota, iyato tuli ningaran akherana ke napugaukki to panggaukan lino.