Passitammuanta lako Puang Ta' Mala'bi Puang Allah Ta'ala

 #Pepasan_Mangbicara_Duri

Sipangngingaranki lako lalan kamakassingan

Buda bangngmo te'mai sangsuran mala'bi jolo lako

#Passitammuanta lako Puang Ta' Mala'bi Puang Allah Ta'ala

Nakua kadanna Puang Allah Ta'ala illan surah al-ankabut aya' ke-5

مَن كَانَ يَرْجُوا۟ لِقَآءَ ٱللَّهِ فَإِنَّ أَجَلَ ٱللَّهِ لَءَاتٍ ۚ وَهُوَ ٱلسَّمِيعُ ٱلْعَلِيمُ

Battuananna:

Inda-inda tau to madoang siampa Puang Allah Ta'ala (ke jio allo undi dau), musti naeloran tongan dau Puang Allah Ta'ala. Naiyya Puang Allah Ta'ala Kaminan Mangpesa'ding na kaminan Mangissen.

Nakua Syekh Abdurrahman Assa'di rahimahullah,

Battuananna te aya':

E... iya to kita' to mangkabuda lako Puang Allah Ta'ala, na mamaliki mengkadoppi lako passitammuan lako Puangta', na kita' to maseeka' madoang mendapa' keridhaanna Puangta'!

Mariomiki! Sanga madoppimora  jio passitammuanta' lako to takabudai.

Nasaba, La timbami! Sininna to la timba battuananna madoppi mora.

Ta mangkinallo memammo lako passitammuan jio olona Puang Allah Ta'ala, ta mammulamo manglingkah na mariatiki sitonganna to kumua la lantuk ki te' panglalananta' lako Puang Allah Ta'ala.

Napatarru kadanna Puang Allah Ta'ala jio aya' ke-6

وَمَن جَٰهَدَ فَإِنَّمَا يُجَٰهِدُ لِنَفْسِهِۦٓ ۚ إِنَّ ٱللَّهَ لَغَنِىٌّ عَنِ ٱلْعَٰلَمِينَ

Battuananna:

Inda-inda to mattongan-tongan pole jio mai kalena, naiyya Puang Allah Ta'ala kaminan masugi pole lako sininna pangpajajianna.

Nakua Syekh Abdurrahman Assa'di kumua;

Buda rupanna sipa'na to tau, den to mariati mattongan-tongan, den to na ala paningoan pangngakuanna.

Edana sangganna to manggaku didai pangngakuanna, atau te'da na sangganna to madoang dibengan to nakadoanggi. 

Nasaba Puang Allah Ta'ala Kaminan Mangpesa'ding na Kaminan Mangissen sininna to niak dipari penawa. Inda-inda tau malampu niakna musti dipajaji to pangpeta'dana, naiyya to tang malampu, eda namakkeguna pangngakuanna. Naiyya Puang Allah Ta'ala Kaminan Mangissen lako inda-inda tau to berhak mendapa' pangkabudan-Na na inda-inda tau to te'da na berhak mendapa'.

Inda-inda tau to mattongan-tongan iya siewa hawa nafsunna, siewa setang, siwa sola musuhna to kapere na polei lako kamakassingan kalena. Naiyya Puang Allah Ta'ala to Kaminan Masugi te'da na parallu lako alam semesta. Iyato parenta-Na untuk kameloranta'ra to mangrupa tau, na iyato pangcacca-Na tangngia tanda masekke-Na lako kita'.

Pada ta issen sola ngasan tokumua iyato parenta, na pangcacca; 

diparalluan panggaukan mawatang jamai to parenta-Na sola massalai to pangcacca-Na, nasaba iyate nafsunnta' tuli napubanda to mangpugauk kameloan susi to'mi to musuhta' kapere na tuli na halangiki patottongngi ajaran agamata' sitongan-tonganna. Sininna te halangan diparalluan to katonganan sibawa panggaukan mawatang.

Semoga Allah Ta'ala memberikan kekuatan kepada kita untuk mempersiapkan bekal menuju pertemuan terhadap Allah Ta'ala serta memberikan kekuatan untuk menjalankan segala perintah-Nya dan menjauhi segala larangan-Nya.

29 12 1442 H

📝kaisaralduri

#enrekang #massenrempulu #duri #dakwahislam